زیادتی کی کوشش کا شکار رہ چکی، آن لائن بدسلوکی زخموں کو پھر تازہ کردیتی ہے، Big Boss 17 کی عائشہ خان کا انکشاف
انھوں نے کہا مجھے روزانہ انسٹاگرام پر بے ہودہ جملے سننا پڑتے ہیں۔ میرے لباس پر نامناسب تبصرے کیے جاتے ہیں۔
مجھے کچھ پوسٹ کرنے سے پہلے سوچنا پڑتا ہے.یہ بہت افسوسناک صورتحال ہے۔
عائشہ خان نے بتایا
کہ بظاہر عام سے لمحات بھی، جیسے تصاویر پوسٹ کرنا یا اپنے کام کے بارے میں بات کرنا. اکثر ناپسندیدہ توجہ کا باعث بن جاتے ہیں۔
بگ باس 17سیزن سے مشہور ہونے والی عائشہ خان نے یہ باتیں حال ہی میں موجو اسٹوری سمٹ میں گفتگو کے دوران شیئر کیں.
جہاں انہوں نے اس بات پر روشنی ڈالی کہ شہرت کی زندگی خواتین کے لیے کس قدر مشکل اور جذباتی طور پر تکلیف دہ ہو سکتی ہے۔
Big Boss 17’s Ayesha Khan
ممبئی میں پیدا ہونیوالی 24 سالہ عائشہ خان نے عوامی زندگی میں ایک خاتون ہونے کی تلخ حقیقتوں کے بارے میں بھی گفتگو کی۔
انہوں نے بتایا کہ
سوشل میڈیا پر مسلسل بے ہودہ نوعیت کے تبصرے، تشدد کی دھمکیاں اور اپنی زندگی میں پیش آنے والے زیادتی کی کوشش کے واقعے نے انہیں بہت تکلیف دی ہے۔
بھارت کی تیلگو اور ہندی فلموں کی معروف اداکارہ عائشہ خان نے انکشاف کیا .
کہ میں زیادتی کی کوشش کا شکار رہ چکی ہوں۔ آن لائن بدسلوکی اس زخم کو پھر سے تازہ کر دیتی ہے۔
